Sunday, August 7, 2022

കേശവദേവ്


    മലയാളത്തിലെ പ്രശസ്തനായ നോവലിസ്റ്റും നാടകകൃത്തും ചെറുകഥാകൃത്തും രാഷ്ട്രീയ പ്രവർത്തകനുമാണ് കേശവദേവ്. കേരളത്തിൽ സാമൂഹ്യമാറ്റത്തിനു വേണ്ടി നിരന്തരം എഴുതുകയും പ്രവർത്തിക്കുകയും ചെയ്ത ധീര വ്യക്തിത്വമായിരുന്നു അദ്ദേഹം.

    1904-ൽ എറണാകുളം ജില്ലയിലെ വടക്കൻ പറവൂരിലാണ് കേശവദേവ് ജനിച്ചത്. ആര്യ സമാജത്തിലൂടെയാണ് അദ്ദേഹം സാമൂഹ്യ പ്രവർത്തനരംഗത്തെത്തിയത്. പിന്നീട് യുക്തിവാദി പ്രസ്ഥാനത്തിൽ ചേർന്നു. കേരളത്തിൽ ആദ്യകാലത്ത്, തൊഴിലാളികളെ സംഘടിപ്പിക്കുകയും ചൂഷണങ്ങൾക്കും അനീതി കൾക്കുമെതിരെ ശക്തമായി പ്രവർത്തിക്കുകയും ചെയ്ത നേതാക്കളിൽ പ്രമുഖനാണ് ദേവ്.

    സമൂഹത്തിന്റെ താഴെത്തട്ടിലുള്ള മനുഷ്യരുടെ ജീവിതമാണ് കേശവദേവ് തന്റെ കഥകളിലും നോവലുകളിലും അവതരിപ്പിച്ചത്. ആ കൃതികളിലൂടെ അധികാരികളുടെ അനീതികളെ എതിർക്കുവാനും പുതിയ ഒരു സാമൂഹി കാവസ്ഥ രൂപപ്പെടുത്തുന്നതിനുള്ള ആശയങ്ങൾ പ്രചരിപ്പിക്കാനും അദ്ദേഹം ശ്രമിച്ചു. ഇരുപത് നോവലുകളും നിരവധി ചെറുകഥകളും പത്തിലേറെ നാടകങ്ങളും നിരൂപണങ്ങളും അദ്ദേഹമെഴുതി. ആത്മകഥാപരമായ രണ്ട് കൃതികളും രചിച്ചിട്ടുണ്ട്. 'എതിർപ്പ്' എന്ന കൃതി അദ്ദേഹത്തിന്റെ ആത്മകഥ എന്ന നിലയിൽ പ്രസിദ്ധമാണ്.

    'അയൽക്കാർ' എന്ന നോവലിന് 1964 ൽ കേന്ദ്ര സാഹിത്യ അക്കാദമി അവാർഡും 1970ൽ സോവിയറ്റ് ലാൻഡ് നെഹ്റു അവാർഡും ലഭിച്ചു. ചില ആനുകാലികങ്ങളുടെയും പത്രങ്ങളുടെയും പത്രാധിപരായിരുന്നു.

1983 ജൂലൈ ഒന്നിന് കേശവദേവ് അന്തരിച്ചു.


പ്രധാന കൃതികൾ

 നോവൽ

ഓടയിൽ നിന്ന് 

ഭ്രാന്താലയം 

അയൽക്കാർ

റൗഡി

കണ്ണാടി

ഒരു ലക്ഷവും കാറും

വെളിച്ചം കേറുന്നു


 ചെറുകഥ

അന്നത്തെ നാടകം 

തമസ്

നിയമത്തിന്റെ മറവിൽ

ഒരു രാത്രി

പണത്തെക്കാൾ വലുതാ മനുഷ്യൻ

മരിച്ചീനി

ഘോഷയാത്ര

ആലപ്പുഴയ്ക്ക്

മീൻകാരൻ കോരൻ

ക്ഷേത്രസന്നിധിയിൽ

സ്വർഗ്ഗത്തിലൊരു ചെകുത്താൻ

സ്നേഹത്തെ അന്വേഷിച്ച്


നാടകങ്ങൾ 

നാടകകൃത്ത്

മുന്നോട്ട്

പ്രധാനമന്ത്രി

ഞാനിപ്പോ കമ്മ്യൂണിസ്റ്റാകും

ചെകുത്താനും കടലിനുമിടയിൽ 

മഴയങ്ങും കുടയിങ്ങും






 






പൊൻകുന്നം വർക്കി

 



  മലയാളത്തിലെ പ്രശസ്തനായ ഒരു ചെറുകഥാകൃത്താണ് പൊൻകുന്നം വർക്കി. ചെറുകഥകളിലൂടെയും നാടകങ്ങളിലൂടെയും സാമൂഹിക പരിവർത്തനത്തിനു ശ്രമിച്ച അദ്ദേഹം അതിന്റെ പേരിൽ ഭരണാധികാരികളുടെ വിദ്വേഷത്തിനു പാത്രമായി. 

    1930 ജൂലൈ ഒന്നിന് ആലപ്പുഴ ജില്ലയിലെ എടത്വയിലാണ് വർക്കി ജനിച്ചത്. പിന്നീട് അദ്ദേഹത്തിന്റെ കുടുംബം പൊൻകുന്നത്തേയ്ക്ക് താമസം മാറുകയായിരുന്നു. മലയാളത്തിൽ ബിരുദം നേടിയശേഷം സ്കൂൾ അദ്ധ്യാപ കനായി അദ്ദേഹം ജോലി നോക്കി. എന്നാൽ സമൂഹവിമർശനപരമായ കൃതികൾ രചിച്ചതിന്റെ പേരിൽ അദ്ദേഹത്തെ ജോലിയിൽ നിന്ന് പിരിച്ചുവിട്ടു. സർ സി. പി. രാമസ്വാമി അയ്യരെ വിമർശിച്ചുകൊണ്ട് രാഷ്ട്രീയ കഥകൾ അദ്ദേഹം രചിച്ചിരുന്നു. 'മോഡൽ 'എന്ന കഥ രചിച്ചതിന് 1946-ൽ അദ്ദേഹത്തെ ആറുമാസം തടവിലാക്കി. 'ആ വാഴവെട്ട്' പ്രസിദ്ധമായ രാഷ്ട്രീയകഥയാണ്. കടുത്ത സാമൂഹികവിമർശനം ഉൾക്കൊള്ളുന്ന നിരവധി നാടകങ്ങളും അദ്ദേഹം രചിച്ചിട്ടുണ്ട്. കഥ, കവിത, നാടകം എന്നീ വിഭാഗങ്ങളിലായി അമ്പതോളം കൃതികൾ അദ്ദേഹം രചിച്ചു.

    2004 ജൂലൈ രണ്ടാം തീയതി 93-മത്തെ വയസ്സിൽ പൊൻകുന്നം വർക്കി അന്തരിച്ചു.


പ്രധാനകൃതികൾ

ആരാമം

അന്തിത്തിരി

പ്രേമ വിപ്ലവം

ഭർത്താവ്

ഏഴകൾ

ശബ്ദിക്കുന്ന കലപ്പ

വിജയഗാഥകൾ

പൊട്ടിയ ഇഴകൾ

അന്തോണി നീയും അച്ചനായോടാ?

പാളയങ്കോടൻ

നോൺസെൻസ്

ഒരു പിശാച് കൂടി

വള്ളിച്ചെരുപ്പ്

മോഡൽ

വിത്തുകാള

ആ വാഴവെട്ട്

നിവേദനം






Tuesday, August 2, 2022

ഏണസ്റ്റ് ഹെമിങ്‌വേ



    ലോകപ്രസിദ്ധ അമേരിക്കൻ സാഹിത്യകാരനാണ് ഏണസ്റ്റ് ഹെമിങ് വേ. 1899 ജൂലൈ 21 ന് അമേരിക്കയിലെ ഇല്ലിനോയിയിലാണ് ഹെമിങ് വേ ജനിച്ചത്. സ്കൂൾ കാലം മുതൽ തന്നെ കഥകളും ലേഖനങ്ങളും എഴുതിത്തുടങ്ങി. ഒന്നാം ലോകയുദ്ധകാലത്ത് റെഡ്ക്രോസിൽ അദ്ദേഹം പ്രവർത്തിച്ചിരുന്നു. യുദ്ധരംഗത്തു വച്ച് ഗുരുതര പരിക്കേറ്റ അദ്ദേഹം പിന്നീട് പത്ര പ്രവർത്തനത്തിലേക്ക് ശ്രദ്ധകേന്ദ്രീകരിച്ചു. വിവിധ പത്രങ്ങൾക്കു വേണ്ടി രണ്ടാം ലോകമഹായുദ്ധം അദ്ദേഹം റിപ്പോർട്ട് ചെയ്തിരുന്നു.

    യുദ്ധങ്ങളിലെ തീവ്രമായ അനുഭവങ്ങൾ പിൽക്കാലത്ത് അദ്ദേഹത്തെ ഒരു സാഹിത്യകാരനായി മാറ്റി. ധാരാളം കവിതകളും നോവലുകളും ചെറുകഥകളും ഹെമിങ് വേ രചിച്ചിട്ടുണ്ട്. 1953 ൽ The oldman and the sea (കിഴവനും കടലും) എന്ന കൃതിക്ക് പുലിസ്റ്റർ സമ്മാനം ലഭിച്ചു. 1954ൽ സാഹിത്യത്തിനുള്ള നോബൽ സമ്മാനവും ലഭിച്ചത് അദ്ദേഹത്തിനാണ്. സ്പാനിഷ് യുദ്ധത്തിൽ പങ്കെടുക്കുന്ന റോബർട്ട് ജോർദാൻ എന്ന അമേരിക്കൻ യുവാവിന്റെ കഥപറയുന്ന For whom the bell tolls (മണി മുഴങ്ങുന്നത് ആർക്കുവേണ്ടി?) എന്ന നോവൽ അദ്ദേഹത്തിന്റെ ഏറ്റവും മികച്ച കൃതികളിലൊന്നാണ്. 1940 ലാണ് ഇത് രചിക്കപ്പെട്ടത്.

    The sun also rises (സൂര്യനും ഉദിക്കുന്നു), A farewell to arms (ആയുധങ്ങൾക്ക് ഒരു യാത്രാമൊഴി), The snows of Kilimanjaro (കിളിമഞ്ചാരോയിലെ മഞ്ഞും മറ്റു കഥകളും), The garden od Eden (ഏദൻതോട്ടം), Death in the afternoon (മദ്ധ്യാഹ്നത്തിലെ മരണം), Green hills of Africa (ആഫ്രിക്കയിലെ പച്ച മലകൾ), True at first light (ആദ്യ പ്രകാശത്തിലെ സത്യം), Across the river and into the trees (നദിക്കു കുറുകെ മരങ്ങൾക്കിടയിലേക്ക്) എന്നിവയാണ് അദ്ദേഹത്തിന്റെ പ്രധാന കൃതികൾ.

    1961 ജൂലൈ രണ്ടിന് സ്വയം വെടിവെച്ച് മരണം വരിച്ചു.























കേശവദേവ്

     മലയാളത്തിലെ പ്രശസ്തനായ നോവലിസ്റ്റും നാടകകൃത്തും ചെറുകഥാകൃത്തും രാഷ്ട്രീയ പ്രവർത്തകനുമാണ് കേശവദേവ് . കേരളത്തിൽ സാമൂഹ്യമാറ്റത്ത...