Sunday, June 19, 2022

പി. എൻ പണിക്കർ

 



പി. എൻ പണിക്കർ


    കേരളത്തിലെ ഗ്രന്ഥശാലകളെ ഒരു സംഘടിതപ്രസ്ഥാനമാക്കി മാറ്റി, മലയാളികളെ അക്ഷരങ്ങളുടെ ലോകത്ത് ഉറപ്പിച്ചു നിർത്തിയ 'വായനയുടെ വലിയപ്പൂപ്പ'നാണ് ശ്രീ പി എൻ പണിക്കർ

    1909 മാർച്ച് 19ന് നീലംപേരൂർ പുതുവായിൽ ഗോവിന്ദപ്പിള്ളയുടെയും ജാനകിപ്പിള്ളയുടെയും മകനായി അദ്ദേഹം ജനിച്ചു. വിദ്യാഭ്യാസത്തിനുശേഷം 1926 ൽ നീലംപേരൂർ മിഡിൽ സ്കൂളിൽ അദ്ധ്യാപക ജോലിയിൽ പ്രവേശിച്ചു. ആ വർഷം 'സനാതന ധർമ്മം വായനശാല' അദ്ദേഹം സ്വന്തം നാട്ടിൽ ആരംഭിക്കുകയും ചെയ്തു.. 1931-ൽ അമ്പലപ്പുഴ പി കെ മെമ്മോറിയൽ ഗ്രന്ഥശാലയ്ക്കും അദ്ദേഹം തുടക്കംകുറിച്ചു.

    തിരുവതാംകൂറിലെ വിവിധ ഗ്രന്ഥശാലകളുടെ പ്രവർത്തകരുമായി നിരന്തരം ബന്ധപ്പെട്ട്, 1945 സെപ്റ്റംബർ 16ന് അമ്പലപ്പുഴയിൽ ഗ്രന്ഥശാലാ പ്രവർത്തകരുടെ ഒരു സമ്മേളനം സംഘടിപ്പിച്ചു. 47 ഗ്രന്ഥശാലകളുടെ പ്രതിനിധികൾ അതിൽ പങ്കെടുത്തു. ആ സമ്മേളനത്തിലാണ്, അഖില തിരുവിതാംകൂർ ഗ്രന്ഥശാലാ സംഘം രൂപീകരിച്ചത്. പി. എൻ. പണിക്കരെ ജനറൽ സെക്രട്ടറിയായി തെരഞ്ഞെടുക്കുകയും ചെയ്തു. തൊട്ടടുത്ത വർഷമായ 1948-ൽ അഖില തിരുവിതാംകൂർ ഗ്രന്ഥശാലാ സംഘത്തിന് തിരുവിതാംകൂർ സർക്കാരിന്റെ അംഗീകാരവും ലഭിച്ചു. അതേവർഷംതന്നെ ഗ്രന്ഥശാല സംഘത്തിന്റെ മുഖപത്രമായ ,ഗ്രന്ഥാലോകം, പ്രസിദ്ധീകരണമാരംഭിച്ചു.

    1975-ൽ പി എൻ പണിക്കർ അദ്ധ്യാപകവൃത്തിയിൽ നിന്ന് വിരമിച്ചു. ആ വർഷമാണ് മാതൃകാപരമായ സാക്ഷരതാ പ്രവർത്തനങ്ങളുടെ പേരിൽ യുനസ്‌കോയുടെ അന്താരാഷ്ട്ര പുരസ്കാരമായ ക്രൂപ്സ്കായാ അവാർഡ് അദ്ദേഹത്തിനു ലഭിച്ചത്.

1995 ജൂൺ 19ന് എൺപത്തിയാറാം വയസ്സിൽ ശ്രീ പി എൻ പണിക്കർ നിര്യാതനായി.


No comments:

Post a Comment

കേശവദേവ്

     മലയാളത്തിലെ പ്രശസ്തനായ നോവലിസ്റ്റും നാടകകൃത്തും ചെറുകഥാകൃത്തും രാഷ്ട്രീയ പ്രവർത്തകനുമാണ് കേശവദേവ് . കേരളത്തിൽ സാമൂഹ്യമാറ്റത്ത...